Auto-Biography: Physical Aspect Kilala ako sa tawag bilang Justine Canaria, pero ang di alam ng nakakarami na may Mark pa ako, na nagpapatingkad ng aking pagiging lalaki. Pagsilang aa akin noong June 14, 1999, di pa alam nina Mama na babae ang puso ko. At sa edad kong 17, di pa rin alam nina Mama kung gaano ako ka-proud sa kung anuman ang preference ko, dahil 3/4 akong Bicolano at 1/4 na tagalog; at takot akong ma-disappoint sila. Sabi ng iba, sexy daw ako lalona pag naglalakad. Sa tambok kasi ng p'wet ko, nadadala ang paglalakad ko. Malakas naman ako, batak sa paglalaro sa kalye e. Yung mga larong tumbang preso, tsi-tsu, taguan at madami pang iba. Nangyari nga lamang, na bakla ako kaya kailangan kong maging mahina minsan para maging isang babae sa mata ng iba. Umaabot na nga ako sa point na ayaw ko ng magbuhat ng mga timbang may lamang tubig. Wala akong sakit, kahit laganap na ang HIV. Di' ko pa naman nararanasan ang makipag-sex e. In short, virgin pa ako. Ang natatandaan ko lang, nadapa ako nung bata ako at pumutok ang ulo dahilan para tahiin ang nasa bandang noo ko. Medyo social climber ako, pero namana ko ata ang ugali nina Mama at Papa na 'wag maging pasal, yung tipong pupunta ng bertdeyan nang 'di naman nai-invite. Atsaka baka sabihin ng iba, bakla na nga, patay gutom pa. Ganun talaga ako, dumedepende sa sinasabi ng iba. Naranasan ko nang manigarilyobat uminom ng alak. Nung minsan nga sa bertdey ng kaibigan ko, umuwi akong lasing pero 'di ko pinahalata, mga bandang alas nwebe ng gabi. Kaya natulog na ako dahil baka mahalata pa nila. Pag droga naman, nako ayoko, nakakatakot kayang matukhang. At ayoko talagang i-try, kasi nga, kailangan kong alagaan ang sarili ko. Para pagdating ng future, kaunti na lang ang aayusin babae na ang katawan ko. Ang ayoko sa lahat ay yung kikilitiin ako, nakakasira ng postura. Kahit na sabihing biro lang 'yun, nako nagbibiro din naman ako, pero verbal naman, kaya dapat verbal din ang gawin nila. Katulad nga ng sinabi ko kanina, matambok 'yung pwet ko. Compliment talaga para sa akin kahit minsan nakakabastos na yung pagpuna nila sa p'wet ko. Sa pangangatawan, maliit akong tingnan pero 5'2 ang height ko. Medyo nagiging mabigat na ako sa 45 kilos na weight ko ngayon, kaya mas prefer ko na maglaro ng volleyball para mas maging physically fit. Mukha namang maayos pa ang buhay ko ngayon: sa kalusugan, sa pangangatawan, at sa estado. Ang isa't huling kahilingan naman para mas maging maayos ang buhay ko, ay ang katuparan ng mga pangarap ko.