Photo Essay

GEOMETRY IN ORTHODOX LIFE

Bumabagtas sa isang maduming lipunan na ang mismong kalat ay dulot ng sariling kapabayaan, nakalulan sa isang sasakyan upang makaiwas sa dumi ng walang pag-aalangan sa mga masasagasaan.

Minsan ka na rin bang naging bilanggo sa sarili mong pugon? Iyong minabuting manatili sa apat na sulok ng nakakabaliw na silid sa kabila ng kalayaang ipinagkaloob.

Katulad ng ilusyong ipinapakita ng mga pader na habang lumalayo ay numinipis, ganoon din ang pagliit ng tingin ko sa aking sarili habang pinagmamasdan kang umaalis.

Sa patuloy na pagbabago ng mundo ay saksi ka ba? Alam mo pa ba ang demarkasyon ng industriyalisado at agrikultura?

Tila kinakalawang ang walang katapusang hugis ng bilog. Na sa pulitika ay 'sya ding pagindayog.

Ang iyong tingkad sa kawalan ay nakahahalina. Sa ganda ng iyong kulay, ikaw ay nakakaakit sa mata. Inspirasyon ka ng mga pasibol pa lamang na obra. Nawa sa pagkalat ng dilim ay magningning ka. (Center of my Universe)

Ang iba't ibang kulay ay sumisimbolo sa pagkakawatak-watak. May sari-sariling lalagyan ang bawat antas.

Kung sasalatin ng pantay sa mata, hindi ba't ang iyong hangaring marating ay malapit na? Mahaba-haba man ang lakbayin at mga pagsubok ay nakaamba, tiyak na sa dulo ay isang magandang tanawin ang naghihintay na makita.

Bagama't pantay-pantay na, sa kulay, sa hugis, at haba, ay iba-iba ba din ang nakapunla.

Ano mang hugis ang iyong magawa sa ilalim ng araw, ito ay isang obrang likha. Kung gayun din lamang na ang iyong kilos ay paksa sa iba't-ibang uri ng husga, ipakita ang iyong totoong sarili at isantabi ang kanilang puna.